واحدالتلميذ غادي للمدرسة هاز المحفظة في ظهروا وهو يحس بيها كتزعزع...وهويقلبها يشوف اش كاين...لقا الليفر كيقول للتلاوة حيدي الغلاف حيدي الغلاف حيدي لغلاف وهي
كتقول ليه ويلي حشم راه التربية الاسلامية كتشوف فين
خضار و جزار تخاصموا على البلاصة في السوق. الجزار ضرب الخضار بكيلو وهو يسخف.
جا الإسعاف دا الخضار للصبيطار،و ملي فاق لقى الفرامليا لابسين الطابليات دايرين بيه.
وهو يقول ليهم: وا شهدوا عليه أمالين صيكوك، واشهدوا عليه أمالين صيكوك
هادا واحد نعس معطل
لقا الحلم بادي
شفار بغا يتوب
شفر 2 سيديات يدال القرآن
واحد الراجل كان غادي ولقى مراية طايحة.
هزها، شاف وجهو فيها وهو يلوحها.
قال مع راسو كون كانت زوينة ڭاع ما يلوحوها ماليها
هادا واحد مكلخ ضرباتو طوموبيل، ناضو عطاوه مية ألف ريال تعويض
من بعد، مشى للمحطة ووقف ف السكة ديال التران، و قال: أراااااااااااااااااااااك للملايين :
واحد المبوق حكموا عليه بالإعدام
قالوا ليه : أشنو آخر حاجة كتمناها ؟
قال ليهم : كنتمنى هاد الشي يكون ليا درس ف المستقبل
واحد المرا سولات صاحبتها : أش طرا ف الفيلم البارح ؟
قالت ليها صاحبتها : ويلي سكتي سكتي، كون ما طفيتش التلفزيون، كون طلقها
هادي واحد المرا كانت عند أمها ف الدار، و تعطل عليها راجلها
المرا تشطنات، وقالت لأمها: ناري يامي، عنداك يكون تجوج علي
قالت ليها أمها: نوي الخير أبنتي، غادي يكون غير دار كسيدة
سولو واحد المبوق: علاش العروسة كتلبس كسوة بيضة، والعريس كيلبس كومبلي كحل؟
قال ليهم: حيت المرا كتضوي للراجل حياتو، والراجل كيحل على المرا عيشتها
واحد مكلخ كيقرى صفحة الوفيات ف الجورنال
وكيقول: يا ربي ما نلقاش سميتي هنا، يا ربي ما نلقاش سميتي هنا
هادا واحد فينما كيشوف تصويرتو ف البطاقة الوطنية كيقول: المهم هو الأخلاق
هادا واحد خينا مبوق مع راسو، وجاه البرد بزاف
ملي شعل العافية ودفى مزيان، عجبو الحال، وهو يقول: الله! لهلا يحرمنا منها لا دنيا ولا آخرة
واحد المسموم تجوج... و مشى لشهر العسل بوحدو
واحد جاتو الفاكتورة ديال الما غالية بزاف
عيط للشركة ديال الما قال ليهوم: أهياوينا، ياكما الشتا هاد العام على حسابي؟
هادا واحد السكران سافر للرباط،وحيت وصل لقا ف الدخلة ديالها بلاكة مكتوب عليها " الرباط سلا"...
هو يسول واحد البوليسي: هاد الرباط ما لقي ايمتا يسالي حتا جينا ليه حنا.
مبوق سول صاحبو: شحال ف الساعة؟
قال ليه صاحبو: الخمسة وخمسة
قال ليه المبوق: ما تعرفش تقول عشرة؟
واحد الزقرام أول مرة ياكل مسكة، و هو يحلف ما ينعس حتى يكملها
واحد شمكار تبع واحد الخايبة مافيها ميتشاف، بدا كيتبسلة عليها هيا عجبها الحال وبغات تدفع كبير ضارة لعندو أهيا تقول ليه اويلي كون تحشم أنا راني هادرين فيا شي ناس ،شاف فيها أقاليها وانيت ...كمارتك راه غير ديال النميمة
هذا واحد البناي بغا يضحك مع صاحبو ..خلاه حتا دخل المرحاض وبنا عليه حيط
ستاد كيعلم التلميد عملية ناقص
واحد ناقص واحد شحال تيبقى ؟
التلميد : معرفتش
استاد هو يجبد ليه جوج كرواصات
قال ليه :" شحال هادو؟"
...التلميد :"جوج كرواصات"
الاستاد :"هاك كول هادي زيدك هادي ، اشنو بقى دابا ؟"
التلميد: شي بـرّاد ديال اتاي بعقلو
بنت ركبت في الطوبيس، ملـّي بغات تخلـّص لقات راسها نسات البزطام، بقات خصاها 10 دريال خلصها عليها واحد الولد كان واقف حداها، واحد الشوية دارت لقاتو معَنـّـقها قال ليها:
ما تخافيش را غير أنا....
هادي واحد الناموسة أول يوم تطير
ملي رجعات للدار، سولاها باها: أشنو كان الشعور ديالك؟
قالت ليه: والله إيلا شعور زوين، كلشي الناس كانت كتصفق ليا
هادا واحد كيجري مورا التران، يطيح وينوض، يطيح وينوض
الناس كاملين اللي راكبين ف التران كيموتوا عليه بالضحك
ناض واحد طل عليه من الشرجم وقال ليه: وبركة أصاحبي، راه قتلتينا بالضحك
قال ليه هاداك الراجل: إيوا دابا تموتوا بالخلعة راه أنا الشيفور
واحد الطلاب مشى عند واحد مول فران مسموم قال ليه: خويا، سيمانة هادي ما دقت الخبز
قال ليه مول الفران المسموم: راه مداقو هو هو، ما تبدلش
هادا واحد مكلخ، تجمعوا عليه سبعة ديال الشياطين،
واحد كيوسوس ليه
و ستة كيفهموه
الرئيسية 
